سالفتي اليوم عن واحد من الشباب اجتماعي ورسمي وعلى نياته بنفس الوقت.
السالفة كانت أيام دراستي في الشرقية وكنت كل عطلة أسبوعية أجي للرياض عند الأهل، مرة من المرات قالي خويي هذا اللي على نياته انه يبي يروح معي للرياض يزور معارف له هناك وهو كان من الخفجي يعني ما عندهم مطار (بمعنى اصح ما عمره ركب طيارة) خوينا هذا قالي أبغى اخاويك للرياض لكن بشرط،
قلت له ابشر وشهو شرطك؟؟؟؟
قال بدون مقالب  !!!!  لأنه يعرفني  أبو المقالب
قلت ابشر ولا يهمك.
فلما رحنا للمطار وحنا في الطيارة في وضع الاستعداد للإقلاع كان خايف مرة  ، عاد خويكم خبرة مقالب، أول شي طمنته وقلت له عادي  ترى الأمر سهل كلها دعسة بنص والطيارة في السماء لا تخاف، هذا كان كله تمهيد للمقلب اللي أنا مشغول أفكر فيه ولا ادري وش أسوي له.
المهم يوم أقلعت الطيارة واستوينا فوق السحاب، كانت الطائرة مليانه ركاب  من كل نوع والولد بعد ما تطمن فك معهم كلام ، قلت له يارجال فكنا وبلا حركات ،
قال أنت مالك دخل؟
قلت له بكيفك تراني حذرتك.
المهم يوم جت المضيفة (المغربية) توزع الجرايد طقت في راسي فكرة!!!!
قلت لخوي اللي كان بجوار الممر.
تكفى يابوفلان.
قال ابشر بسعدك. وش فيك؟
قلت له ابد ما معي صرف وابغي اشتري جرايد من المضيفة؟
قال غالي والطلب رخيص ابشر.
قلت له تراني أبغى الرياض والرياضية. وترى الجريدة بثلاثة ريال.
قال وش دعوا ليش بثلاثة؟
قلت له ابد أنت في الطيارة منت في الأرض.
المهم ويطلع من جيبه عشرة ريال ويقول للمضيفة عطيني الرياض والرياضية ورجعي الباقي !!!!!!!!!!!!!!
هذا والمضيفة فاتحه فمها ما تدري وش السالفة والركاب اللي ورآنا يشوفون المنظر!!!!!! ـ.
وأنا في لحظة انفقعت من الضحك والي في الطيارة كلهم قعدوا يطالعون وش السالفة !!!!!!!!!!
وخويي رافع يده بالعشرة إلا والناس تموت من الضحك ـ
ويقوم علي خويي من الحرة ويطقني طق الله لا يوريكم والناس ما غير يضحكون حتى تقطعوا من الضحك .ـ
المهم يقعد خويي ويلعن فيني ويسب ويقول أنا أصلا من زمان وأنا ما أثق فيك وفي مقالبك وهجدت السالفة شوي وخويي مازال يحلطم ويهوش علي ـ
وبعد مدة جتنا المضيفة المغربية ثاني مرة علشان توزع العصير!!!! ـ
وصارت هي ملكعه ـ
وقالت لخويي وش تشرب
قال لها بعصبية ما أبغى شي
قالت هي له هذا ببلاشششششششششششش ـ
ودورني ما تلقاني من الضحك والركاب تقطعوا علينا من الضحك ـ
ويقوم علي ويتوطاني توطي الله لا يوريكم ذاك اليوم وأنا ميت من الضحك

 

^{أفضل 500 موقع عربي}

^{أرسل رسالة فوريه لأصدقائك من هنا}

^{الموقع الرئيسي}

^{إضغط هـنا للمشاركة}