ليله من الليالي أنا وبنت خالي كنا قاعدين نطالع الدريشه وكانت
من النوع العاكس وكنا نطالع عمرنا ونسوي حركات تضحك مره نهز رؤوسنا مثل الهنود مره ومره نصقع في بعض وبعد ليل طويل وعقب ما شبعنا اكتشفنا إن العمارة اللي قدامنا فيها واحد قاعد يطالعنا ويهز رأسه مستغرب وحنا لقطنا وجوهنا وطلعنا من الغرفة...ـ

التوأمان

بيضاء و سوداء

كنت مرة رايحة أتسوق و لابسة حذائي الجديد ومكيفة على حالي وأنا أتسوق في المول شعرت بشي غريب في قدمي وأحسست أن شي يتمزع و صرت أقول في نفسي لحقت الكندرة تتمزع فنظرت على قدمي فصعقت بحذاءين مختلفين أحداهما بيضاء والأخرى سوداء فضحكت على نفسي ورحت أركض بسرعة نحو السيارة

koko

كف

في مرة كنت ماشي داخل مجمع تجاري مع ربعي وإلا  ذيج البنيه الحلوة وأنا ما قدرت أقاوم المهم إني رحت وحاولت إني اكلمها لكن كانت معارضة جدا لكني حاولت عدة مرات لكن هال محاولات باءت بالفشل وبالنهاية قربت منها ومسكت أيدها ووقفتها وطقني كف وبعدها حسيت إني حمار بلي ساويته ولكل حتى اصدقائي ضحكو عليا ونا رديت البيت وكان بالقرب من بيتنا ناس ساكنين جدد واثارية أهي وأبوها وأمها ساكنين فيها ولما سلمت عليهم حسيت إني ماني قادر أوقف من الفشل وبعد مدة أبوي جاء لي وقالي إن البنت جميلة والأبو من غاية زينها فقال لي اشرايك تتزوجها فقلت اوكي وتزوجنا والحين إحنا عندنا بنتين وولد .ـ

علي

إبره

مره وأنا رايح للمستوصف ابي أتعالج كنت وقتها مسخن يعني حمى قالي
الدكتور لازم تضرب ابره بنسلين وقلت للدكتور إني أنا أخاف من الإبر قالي
لازم المهم رحت غرفة الضماد اللي فيها غز الإبر جلست يم الباب وخايف ومرتبك
وإذا في رجال جاي معاه ولده قال الرجال يا ولدي تشوف هذا  قصده )عليا أنا )
مو خايف من الابره المهم تجرئت ودخلت من الفشله وضربت الابره وإذا الدنيا تدور فيني وطلعت من الغرفة  وأنا ميت من العوار أحس إني انشليت وإذا الولد
يسألني قالي  الابره تعور قلت لا ما تعور وأنا ميت المهم دخل الولد وضرب الابره
ولما طلع مرني ولقاني جالي على الكرسي وأنا ميت  من العوار ولما وصل عندي هو وأبوه الولد رفسني برجله وسبني بصوت خفيف .. طلع الولد  متعور
 

سالم السالم

^{أرسل رسالة فوريه لأصدقائك من هنا}

^{الموقع الرئيسي}

^{إضغط هـنا للمشاركة}