لما كنت باخر سنه ثانوى وكان السواق متأخر على
ومن زعلي على الوقت لانه ماراح يمدينى انام ولا اذاكر.. صرت كل شوى اطلع
اشوف اذا هو جاء ولا لا
اخر مره طلعت شفت السياره وفتحت الباب وحطيت الشنطه وركبتها بكل روااااق
انتظره يركب ما جاء احد..قعدت اطالع ورى السياره حوسه كذا؟؟ وش هالثوب المعفوس ومجدوع
قدام؟؟..طنشت الموضوع قلت يمكن احد من اخوانى ناسيه او شي
جيت برفع الشباك لانى ما احب الشبابيك تنزل الا انه عيا يـتسكر 
..وكان  في رجال موقف جنب الحارس ويطالعون فينى ..قهروونى..ما دريت الا الحارس قرب من الباب
..انا ارتعدت وش يبى هذا؟؟..قال لى يا بنتى السياره مو سيارتكم
انا دورونى معد تلقونى..نزلت ودخلت المدرسه ودقيتها صييييييييييحه ودمووووووع..ـ
ولا عاد صرت اطلع الا اذا سمعت اسمى .. ولا علمت احد من اهلى او حتى صديقاتى
ولا حتى اخت الرجال اللى كانت علاقتى فيها سطحيه لكن بعد الحادثه معد كلمتها
من الفشيله .. والحين من اشوفها تطقنى غمه وكتمه وضيقه صدر
نقااط.. ـ
السواق ما يجى الا معه احد اخوانى او الشغاله لكن من زين التفكير ماانتبهت ان محد معه 
ان سيارته اقدم من سيارتنا والفرق واضح ورغم معرفتى بالسيارات الا انى منعميه.. ـ
لكن خبصة الأختبارات تسوى اكثر.. ـ
 

جمــــــانــة

كلية

مره من المرات نايم وعندي محاضره آخر محاضره إن لم احضرها
يعطيني الدكتور حرمان ومن كثر التفكير بلمحاضره  صحيت وطلعت بسرعة ولا انتبهت إلى الوقت فكرت إني متأخر داومت الكلية ما غسلت وجهي يوم وصلت لقيت أحد اخوياي سألت ما حضرت المحاضرة قال الساعة 9.30 وكانت الساعه7.30  وأخبرته بما حصل فضحك

kemoo

أخوي

يوم من الأيام وأنا طالعه من المدرسة شفت سيارة اخوي رحت وركبتها وسلمت عليه بس ما رد طنشته لأنها ما هي أول مره المهم قلت له شغل شريط  ودي اسمع شي يسلي على ما انتظر رفيقتي تطلع مارد عل عاد قفلت عندي وجلست ساكتة وفجأة تذكرت كتابي الكيمياء بالفصل وانزل و أروح أجيبه يوم رجعت ما لقيت اخوي ولا السيارة وأدوره وألقاه في موقف ثاني وادخل السيارة ثم التفت ابي اقوله ليش هو ساكت انصدمت وانربط لساني من المفاجأة طلع اخوي مهو اخوي طلع واحد سيارته تشبه سيارة اخوي وانطلق واطلع من السيارة عقب ذاك الموقف تبت إني ما اطلع من المدرسة إلا  لما اسمع اسمي ينادونه ونصيحة بعد لكل بنت لا تدخل أي سيارة وإلا هي متأكدة إنها هي سيارتها وإلا  بصيرلكم مثلي

عابرة سـبيل

جـدتي

وم من الأيام جتنا عمتي وأنا نايمه وكانت هي وأهلي كلهم (يتقهوون) ويوم ما
قمت شفتهم متجمعين على القهوة وما أنتبهت لعمتي رحت غسلت وجهي ونطيت على
الأكل من غير ما أسلم عليها وعاد هي شايفتني بهالمنظر وتقوم تضحك والكل
يضحك عاد انا وقتها ودي افقد نص عمري ولا أوقف هالموقف

MmMm

^{أرسل رسالة فوريه لأصدقائك من هنا}

^{الموقع الرئيسي}

^{إضغط هـنا للمشاركة}