Make your own free website on Tripod.com

نص بلون قوس قزح

التــالي

الســـابق

صابون دوف

مره أختي شرت صابون دوف السائل .. وكنت صاحية من النوم الصبح وكنت متأخرة عن المدرسة .. ولا أشوف قداامي إلا علبة الدوف وقمت وتكرمت ودهنت وجهي وأيدي ورجلي ورحت المدرسة .. وفي الحصة كل ما المس عيني تحرقني وصارت تحرقني وكل شوي يزيد الحراق وعيوني تدمع وقلت حق المدرسة بروح اغسل
عيوني .. ولما اغسل وجهي يزيد الحراق في عيني لدرجة إني ما أشوف .. وتميت
على هالحال أتدهن بالدوف 3 أيام وكل يوم يزيد وأنا ما دري .. ورحت حق الدكتور
وقلتله القصه وسوا لي فحص نظر وتحليل دم وأشعة والنتائج كلها سليمة وأنا
مستأنسه انه هالكريم يطلع فقاعات وينعم الجسم .. واليوم الرابع كنت أتدهن
في الصالة وجت أختي وشافتني وقالت لي أنتي ما تستحين تتغسلين بالصابون في
الصالة .. قلت لها أي صابون .. قالت لي اللي في ايدج  .. وعقب اكتشفت ان
هالسائل صابون مب كريم وان هالحراق من صابون دوف .. وأنا طلعت غبية لأني ما قريت
التعليمات اللي على العلبة ..وتميت اضحك على نفسي ...ـ
 

العاشقة القطرية

ليلة العرس

قبل سنة بليلة عرسي دخلت صالة الأفراح وهي متروسة بالحريم وكنت
أمشي وبقربي الوالد فكانت أعين الجميع على ومن الارتباك لما صعدت الكوشة
انعكفت رجلي ووقعت من الدرج وانكسرت رجلي والجميع كان يضحك أنا أتألم
وبدلا من أن اخرج مع العروس خرجت بنقاله .((الله لايعود هذاك اليوم ))ـ
 

دلــــــــــــم با دلـــــــــــد

تصـوير

قبل 4 سنوات كنت بسوريا رحت أتصور جلست مقا بل كاميرا  حتى اجى
المصور  لمن اجا قللي: اربي ! ما فهمت عليه  و اشوي عدلت نفسي ثاني مره
قللي : اربي اربي!! كمان ما فهمت عليه وهذا المرة ابتسمت   ثالث مره قالي: ـ
غيرت جهة نظري .  ما كنت افهم عليه
آخر شي أجاني شالني بايدو جر الكرسي للامام وقاللي عودي. بس بعدين افتهمت
اربي يعني  قربي ههههه اكيد  المصور قال لنفسه شو هاي مجنونه اقولو اربي تبتسم .ـ

هنوش

أول يوم

 أنا الحمد لله توضفت في قطاع عسكري برتبت جندي المهم أول يوم لي
في العسكرية  وللعلم أنا لم اخذ الدورة   داخل عليهم ما ادري وش السالفة
الوكاد لقيت ناس صافين وجيت وصفيت معهم ومن قرادتي كان في اجتماع وصافين من
صلاة الفجر الين الساعة تسع الصباح المهم أنا ماني متعود وجتني دوخه وكان
ما ودي أطيح لأن هذا أول يوم لي وأنا واقف اعني الا جاء ما كنت أخافه جتني
الله يكرمكم طقعه  وهذي كمان لا أستطيع مقاومتها  فاحترت بين الاثنين 
الطقعه ولا الدوخة وكلها مر بالنسبه لي     فأطيح واحشر الطقعه   ولا أفلتها وأضل واقف 
فاخترت إني اطيح  ولايضحكون الناس علي  إذا فلتها      وطحت مع العلم ان
وزني ثقيل وطحت أمام الضباط وأصبح وجهي اسود لكن الحمد لله إني ما فلتها
عليهم  ولا كان ماتوا من ريحتها
  واعذرونا على الفاضي

الحايلي

فضلا رشح الموقع بالضغط على هذه الصورة

التــالي

 20   19   18   17   16   15   14   13   12   11   10    9    8    7    6    5             1  
35     34     33     32     31    30    29    28    27    26    25   24   23   22   21   

الســـابق

أرسل رسالة فوريه لأصدقائك من هنا

الموقع الرئيسي

إضغط هـنا للمشاركة